كشف الدرجات
دكتورة رائعة ماشاءالله تبارك الله ماشفت دكتورة تحرص على مستقبل وتعلم وتطور طالباتها كثرها جزاها الله الف خير شرحها جميل جدًا تهتم بأنها توصل لنا المعلومة كويس ونفهم ١٠٠٪ وتستقبل اسئلتنا كلها وتتجاوب عليها
دكتورة فوق التقييم غيرت نظرتي عن الدكاترة بشكل عام تأثيرها على الشخص جدًا قوي تخلي الواحد يتسائل مع نفسه هل انا قاعده اعطي اقل هل المفروض ان اتطور هل لازم اتعمق اكثر علشان افهم ، تساؤلات كلها نهايتها ان الواحد يعيد التفكير ويحاول يطور من نفسه ف هي دكتوره تطور منك حتى لو ما حاولت تسوي شي، حماسها وطاقتها كل هذي الاشياء تأثر ،وبالنسبه للدراسه ف هي متعاونه جدًا تحاول تساعد بحدود استطاعتها وتتفهمنا أكثر من تفهمنا لها ، بشكل عام التأجيل والتسويف راح يفقدك متعة دراسة مادة Dgital forensic مع هالدكتورة الرهيبة
اسلوبها جداً محترم وعسل مره ولو تسالينها اي سوال بترد عليك و من ناحيه الشرح جداً متمكنة وممتازة وتوصل المعلومة بأكثر من طريقة، فاهمه الماده جداً لدرجه تعلمنا اشياء اكسترا برا المنهج ،اختباراتها صععبه تحتاج فهم اكثر من حفظ ، الفاينل والميد ماكانت اسالتها فيها سهله ابد كانت تحتاج فهم بطريقه قويه وكانت جايبه سيناريوهات قويه، يهمها البروجكت وانه يكون متكامل والبرزنتيشن تكونين واثقه
من افضل الدكاترة الي درست عندهم يعجبني حماسها وطاقتها في المحاضرة متعاونه مرا دائم تجاوب على اسئلتنا واستفساراتنا بشكل كافي ووافي
عسسسل الله يجزاها خيرر مهتمه للطالبات ومصلحتهم اكثر منهم دايم تحفزنا وتنصحنا وتوجهنا للافضل الشرح لا يعلى عليه لكن اللكتشر احسن من اللاب حسيت اللاب شويه عشوائي فالدرجات حقانيه وتساعد بعد ما عمرها نقصت احد بالغلط الله يسعدها ويوفقها في رحلتها القادمه❤️
د. نورة مخلصه بالشرح والعطاء وحريصة جدًا، من اخير الدكاترة فعلًا. فاهمة ماشاء الله كثير واستفدت منها سواء للكورس او حتى مهنيًا واكاديميا تساعد كثير وتعرفنا على فرص نشر بحوث لقاءات ملتقيات وتحفز ان دايم نبادر ونسعى للافضل وهذا صراحه من اكثر الاشياء الي اقدرها فيها
دكتوره نوره من أفضل الدكاترة اللي درست معهم في الكليه، أكثر شيء يميزها إنها تهتم اننا نفهم ونستفيد من المادة مو بس نحفظها للاختبار. تشرح كل جزء في المنهج وتعطيه حقه، متمكنة من الماده مره وتعرف توصل المعلومة بطريقة تخلي الطالبة تستوعب وتطبق بنفسها. هدفها دايم انها تعلمنا وتطور مهاراتنا حتى لو كان الاسايمنت صعب بس بالنهايه بنطلع منه بفايده مختلفه عن باقي المواد الي تعتمد على الحفظ والتسميع. ونفس الشيء بالنسبة للاختبارات، تعتمد بشكل كبير على الفهم والمتابعة المستمرة أكثر من الحفظ. محترمه ومراعيه للفروقات وتعرف كل طالبه تدرس معها .
الدكتورة ماشاء الله قمة في التفاؤل و النشاط و تشرح من قلب، تحاول توصل المعلومة بكل طريقة مع تطبيق عشان ما يكون حفظ بس و ترد و تجاوب، الاختبارات تحتاج إلى فهم و ليس حفظ و يهمها جدا البروجكت بكون براكتكل، المتطلبات الجانبية من قبل الطالبات مثلا في وقت الضغوطات و غيره.. مش متعاونة مرة. بس عالعموم دكتورة كويسة.
افضل تجربة مريت فيها خلال مسيرتي بالجامعة كانت دراستي مع دكتورة نوره… بالنسبة لي كل شي كان ممتاز الكويزات تافهه ممكن الي يتطلب فهم هو الميد و الفاينل لكن برضو ما كان تعجيزي ابدًا و عادي ينحل بسهوله ، تساعدنا حتى بوقت الميدتيرمز او غير وقتها كانت تسمح نخلي محاضره تكون اونلاين او ريكوردد ، البروجكت تسعى انها تطلّع افضل ما عندكم و متى ما احتجتوا مساعدة راح تعطيكم وقتها و دايم بتكون موجوده، تساعدنا بكل شي صراحة لكن مب المساعدة الي تخليكم تهملون لا بالعكس بتصيرون افضل بكثير معاها و تعطيكم طاقه و شغف. ما عندي اي ملاحظات سلبية بكل امانة حتى لو انضغطنا شوي لكن اثق انه كان لصالحنا بصراحة مره استفدت من كل شي كانت تطلبنا نسويه و حسيت اني فعلًا طالبة "تدرس" مب تداوم و تختبر و تمشي.. لو بيدي اختار مين يدرسني بختار دكتورة نوره للابد لأنها الافضل و غيّرت فيني كثير.
من افضل الدكاترة واكثر اجتهاد الله يعطيها العافية تشرح من كل قلبها وتتمنى الطالبه فعلا تفهم
ما شاء الله شرحها وتدريسها لايعلى عليه ابدا وصدق تساعدني وتوجهني بطريقه تخليني افضل اكادميا ، الله يوفقك بمسيرتك القادمه 🤍
اسلوبها جداً محترم ولو تسالينها اي سوال بترد عليك ومارح تستنقص منك اما من ناحيه الشرح فشرحها زين و بالانقلش ، فاهمه الماده جداً لدرجه تعلمنا اشياء اكسترا برا المنهج ،كويزاتها صععبه تحتاج فهم اكثر من حفظ ، الفاينل والميد ماكانت اسالتها فيها سهله ابد كانت تحتاج فهم بطريقه قويه وكانت جايبه سيناريوهات قويه ، لكن راعت بالميد شوي ، يهمها البروجكت مره وانه يكون متكامل والبرزنتيشن تكونين واثقه
الدكتوره عسل عسل مره ومتعاونه وتصحيحها بالروجكت كان كويس لكن اشوف مستوى اختباراتها مو سهل تحتاج فهم ودراسه
لسا ما فيه أسئلة — كن أول من يسأل!